دین دوو کارەساتی دیکەی بەسەر بەشەرییەتدا هیناوە
25/03/2024
ئێمە تەنها بەزۆری زەرەری دین وەکو ئایدۆلۆجییەکی وشك و ڕەق و نەشیاو بە گۆڕانکاری دەبینین کە دەکرێت ببێتە دروستبوونی موجاهیدین، تالیبان، ئەلقاعیدە، داعش، حەماس ، حیزبوڵاو، شەبابی سۆدان، بوکۆ حەرام و ئەوانی تر کە ئەوەندەی دەبێنرێن هێزێکی ئێکجار ڕەشن کە دەیانەوێت گالیسکەی پێشەوەچوونی کۆمەڵ نەك هەر ڕاگرن بەڵکو بیشیگێڕنەوە بۆ سەدەها ساڵ لەمەوبەر .
بەڵام کەمتر دوو کارەساتی دیکە دەبینن کە دین بەسەر بەشەرییەتدا دەیهێنێت:
یەك: دووژمنایەتی کردنی ژینگە و هەموو جۆرە گیانلەبەر و زیندەوەرەکانی سەر زەوی بە خواردنی گۆشتیانەوە یاخود حەرامکردنی گۆشتەکەیان . چونکە بە گوێرەی قورئان و وتەکانی موحەمەدی پێغەمبەری موسڵمانان خودا هەموو شتێکی بۆ خزمەتی ئەوان خولقاندووە. خوا هەڵناگرێت ئەوانیش درێغییان نەکردووە بە تێکدانی ژینگە و بە خواردنی گۆشتی ئەوانەی کە حەڵاڵ کراون، لەناوبردنی ئەوانەشی کە گۆشتیان حەرام کراوە.
دوو: کەوتنەوەی منداڵی زۆر : ئەمەش چونکە بە گوێرەی دینی ئیسلامی هەندێك لە مەنعکردنەکان حەرامە و منداڵ لەباربردن گەورەترین تاوانە. ئەمەش یانی کەوتنەوەی ملیۆن منداڵ بێ ئەوەی بیر لە بەخیوکردنەوە و شوێنگرتن و دابینکردنی قوتابخانە و چارەسەرکردنی تەندروستیان و دەستکەوتنی کار و …تد بکرێتەوە . مەبەست لە ئەمەی کە دەیڵێم دانی بڕیار نییە بۆ ژنان ، جونکە ئەوان خۆیان دەبێت ئازاد بن لەوەی کە مناڵیان دەوێت و چەندێکیان دەوێت یا نایانەوێت ، بەڵام گرنگە کە بیر لە پەروەردەکردن و دابینکردنی ژیانیان بکرێتەوە. بەم هۆکارەوە دەبینین بۆ نموونە وڵاتە ئیسلامییەکان ساڵانە منداڵی زیاتر بەرهەم دەهێنن کە خودی ئەم کارەش کارەساتە بۆ بەشەرییەت .