فەرەنسا عەبا لە کچانی قوتابی قوتابخانە دەوڵەتییاکان یاساخ دەکات
29/08/2023
لە ئێستادا لە فەرەنسا قسە لەسەر ئەوە دەکرێت کە عەبا یاخود پۆشاکی فشوفۆڵ قەدەخە بکرێن. ئەمە لە کاتێکدا کە قوتابییانی قوتابخانە دەوڵەتییەکان ئازادن لە پۆشینی پۆشاکەکانیاندا، هەمویان یەك پۆشاك لەبەر ناکەن.
بیانوی زۆرێك لەوانەی کە لەگەڵ ئەم گفتوگۆیەدان جگە لە پرسە " عەلمانییەکەی" دەوڵەتی فەرەنسا ئەوەیە کە ئەوانەی عەبا دەپۆشن بە ئاسانی دەناسرێنەوە کە موسڵمانن و دەکەونە بەر تانە و تەشەری ئەوانەی کە خۆشییان پێیاندا نایە.
حیزب و ڕێکخراوە ڕاستڕەکان پاڵ بە حکومەتەوە دەنێن کە هە موو سومبلە دینییەکان لە خودی قوتابییان و تەنانەت لەو دایك و باوکانەش کە منداڵەکانیان دەبەن بۆ قوتابخانەکان قەدەخە بکرێت.