خوێندکاران لە ئەوروپا دەستیان بەسەر قوتابخانە و زانکۆکاندا گرت
06/05/2023
لە پێشینەی کردنی کەمپەینی مانگێك بۆ بەرگریکردن لە ژینگە پاش ئەوەی کە دەسەڵاتداران و بزنسمانەکان ڕاستگۆنەبوون لە بەڵێنەکانیان سەبارەت بە نانی هەنگاوی گەورە لە پاراستنی ژینگەدا، خوێندکاران لە زۆرێك لە وڵاتانی ئەوروپادا دەستیان بەسەر قوتابخانە و زانکۆکاندا گرت.
تا ئێستا زیاتر لە 22 قوتابخانە و زانکۆ لە لایەن خۆێندکارانەوە دەستیان بەسەردا گیراوە . ئەوە ڕاستییە کە ئەو ژمارەیە زۆر زۆر کەمە بۆ هەموو ئەوروپا بەڵام ئەمە تەنها دەستپێکە. سەرەتایەكە بۆ خۆکۆکردنەوە و چربوونەوەی بزوتنەوەی گەنجان کە لە ساڵی 2019 دا پێش هاتنی پەتای کۆرۆنا بەردەوام بوو کە ڕۆژانی شەمە زیاتر لە 70 وڵاتدا خۆپیشاندن و پرۆتێست دەکرا.
لە ئەڵمانیا ئەم زانکۆیانە دەستییان بەسەردا گیراون : Wolfenbüttel, Magdeburg, Münster, Bielefeld, Regensburg, Bremen ، Berlin
لە ئیسپانیا لە بەرشەلۆنە زانکۆی ئۆتۆنۆمی دەستی بەسەردا گیراوە . لە بەلجیکا 40 خوێندکار دەستیان بەسەر زاکۆی Ghent گرتووە . لە کۆماری چیك 100 قوتابی چادریان لەبەردەم وەزارەتی پیشەسازی و بازرگانییدا هەڵداوە . لە بریتانیا دەستبەسەراگرتنی زانکۆکانی Leeds, Exeterو Falmouth.دەستیپێکردووە.
ڕادیکالترین چالاکی لە لشبوونەی پایتەختی پورتوگال لە لایەن گەنجانەوەیە کە دەستیان بەسەر 7 قوتابخانە و 2 زانکۆدا گرتووە . بۆ پاڵپشتی ئەوان گەنجانی دیکە ڕژاونەتە سەر شەقامەکان و شەقامەکانیان لە پێداڕۆیشتنی سەیارە دابڕی . دروشمی گەنجان : کۆتایی بە Fossil ، دەستبەسەراگرتن. بە جارێ هاوار دەکەن : دەستبەسەراگرتن لەبری مانگرتن ، کۆتایی بە ئابووریی فۆسیل بێنە لەبری گوێگرتن لە زانست … ئەمانە دروشمەکانی ساڵی 2019 بوون .
ڕێکخەرانی کەمپەینەکە هیوادارن دوایین شەپۆل ڕادیکالیزمی مانگی ئایاری ساڵی 1968 بگرێتەوە و دروستی بکاتەوە، کاتێک ناڕەزایەتییە دژە ئیمپریالیزمەکانی خوێندکارانی زانکۆ لە پاریس لەلایەن خوێندکارانەوە دەستیپێکرد و دواتریش کرێکارانی مانگرتووەوە بەشدارییان تێدا کرد و شەپۆلێکی ڕاپەڕینی لە سەرانسەری کیشوەرەکەدا خێراتر کرد.
لەم هەڵمەتەدا کە دەستیپێکردۆتەوە دەڵێن : “ئێمە وەک خوێندکارێک دەست پێدەکەین کە قوتابخانە و زانکۆکان داگیر دەکەن، بەڵام پێویستمان بە هەموو کۆمەڵگە هەیە کە هەنگاوی ڕیشەیی لەگەڵماندا بگرنەبەر بۆ کۆتاییهێنان بە [سووتەمەنی] بەردینی.” ئاماژەی بەوەشکردووە، “تەنها لەگەڵ ئەوەی وەک بزووتنەوەیەکی جەماوەری کە هەموو کۆمەڵگە بەرپرسیارێتی وەستاندنی سەردەمی سووتەمەنی بەردینی دەگرێتە ئەستۆ، دەتوانین بەڕاستی سیستەمەکە بگۆڕین.” دەڵێن “هەر کەسێک لە هەر بەشێکی جیهانەوە بیەوێت ئەم چالاکیانە لە قوتابخانە یان زانکۆی ناوخۆیی ڕێکبخات، زۆر بەخێرهاتن دەکرێت بۆ ئەوەی ئەو کارە بکات، بە مەرجێک ڕازی بێت بەشداری بکات بۆ گەیشتن بە داواکاری سەرەکیمان و پەیڕەوکردنی سێ بنەماکەمان: گەنجان ڕابەرایەتی دەستبەسەرگرتن دەکەن، چوارچێوەی دادپەروەری کەشوهەوا/ ژینگە کە داخوازییە، هەروەها دەستی بەسەردا بگرە تا سەردەکەویت ”.